شعر ،،، كل الأماني عندنا مالها “روح”

لحج الغد _ سرحان بن جبيران

*قالــــــو تمنى قلت ويـــش باتمنى*
*كل الامــــــاني عندنا مــــالها روح*

*العمــــــر ولى وخـــــافقي ماتهنى*
*كلما يمر الوقت زود لي اجــــروح*

*اعمــــــارنا بنعيشهــــا دون معنى*
*فيها يُذم الـــزين والشين ممدوح*

*صار الطمع يعــزف لنا الف لحنى*
*ولجله توصلنا لذابح ومــــــذبوح*

*فالــــــويل للي عالضعـــافا تجنى*
*يصبح مصيره داخل النار ملفوح*

*لابد نصحح حــــــالنا  قبل نفنى*
*وقبل يذهب باقي العمر ويروح*

*كثر الندم مايفيد للمــــــوت دنى*
*ولا يفيدك ناعي الاهل والنــــوح*

*ماينفعك مــــــالك ولا الف مبنى*
*لوصار جثمانك في القبر مطروح*

*اعمل عمل صالح عسا فيه تغنى*
*مادام والتوبه لها باب مفتــــوح*

*سرحـــان بن جبيــران المشـــألي*